బుల్కాపురం సమీపంలో రోడ్డు ప్రమాదం..
- 15 నుంచి 20 గొర్రెలు మృతి చెందినట్లు సమాచారం!
శంకర్ పల్లి అక్టోబర్ 21(ప్రజాక్షేత్రం):హైదరాబాద్ రోడ్డు నుంచి శంకర్‌పల్లి మీదుగా వెళ్లే మార్గంలో బుల్కాపురం కాళీమాత ఆలయం సమీపంలో ఫార్చ్యూనర్ టిఎస్ 07 జేకే 5558 కారు గొర్రెలను ఢీకొట్టినట్లు సమాచారం. ఈ ప్రమాదంలో సుమారు 15 నుంచి 20 గొర్రెలు మృతి చెందినట్లు ప్రాథమిక సమాచారం అందుతోంది. ప్రమాదానికి కారణమైనట్లు భావిస్తున్న ఫార్చ్యూనర్ కారు స్థానిక గ్రామానికి చెందినదిగా గుర్తించినట్లు తెలుస్తోంది. కారు అత్యంత వేగంగా వచ్చిందని, డ్రైవర్ మద్యం మత్తులో ఉన్నట్లు స్థానికులు అనుమానం వ్యక్తం చేస్తున్నారని సమాచారం. అయితే కారు వేగం, డ్రైవర్ మద్యం సేవించిన విషయం, ప్రమాదానికి సంబంధించిన పూర్తి వివరాలు అధికారికంగా నిర్ధారణ కావాల్సి ఉంది. ఈ ఘటనపై కేసు నమోదు చేసినట్లు పోలీసులు పేర్కొన్నట్లు సమాచారం. ప్రమాదంలో మృతి చెందిన గొర్రెల సంఖ్య, వాహనం వివరాలు, ప్రమాదానికి గల అసలు కారణాలపై పోలీసుల విచారణ అనంతరం మరిన్ని వివరాలు వెల్లడికానున్నాయి.
